Bazar ertəsi, 20 Noyabr 2017

Sarkisyan nə prezident, nə də baş nazir olacaq

08.09.17.

Ermənistanın daxili və xarici siyasətini müəyyən edən şəxslər 2018-ci ilin aprel ayında Serj Sarkisyanın prezident səlahiyyətlərinin müddəti bitdikdən sonra ölkənin baş naziri vəzifəsində kimin çalışacağı ilə bağlı yekun qərar qəbul edib.

AzVision.az xəbər verir ki, bu barədə “Past” nəşrinə hökümətdəki mənbə bildirib. Mənbə qeyd edib qəbul edilən qərar ölkədə fövqəladə hal baş verməzsə, dəyişməyəcək.

“Qərara alınıb ki, baş nazir Karen Karapetyan öz postunda qalacaq və dövlətin iqtisadiyyatı ilə əsaslı şəkildə məşğul olacaq. Serj Sarkisyan isə Təhlükəsizlik Şurasını idarə edəcək. O, öz tabeliyində güc strukturları - Müdafiə Nazirliyi, Xarici İşlər Nazirliyi, Fövqəladə Hallar Nazirliyi və Milli Təhlükəsizlik Şurasını əlində saxlayacaq”.

Mənbə bildirib ki, yanlız polis baş nazirə tabe olacaq: “Belə qərarın qəbul olunmasında səbəb vəzifəli şəxslərin qeyri-müəyyənlikdən çıxması və müvafiq qərar qəbul etməsidir. Lakin mühüm məsələ var. Əgər birdən müharibə başlayarsa, o zaman Ali Baş Komandan və baş nazir vəzifəsini Serj Sarkisyan tutacaq. Bu da qəti qəraradır”. 

NATO və Rusiya generalları Bakıda görüşəcək

07.09.17.

NATO-nun Hərbi Komitəsinin rəhbəri Petr Pavel və Rusiya Silahlı Qüvvələrinin Baş Qərargahının rəisi Valeri Gerasimov bu gün (7 sentyabr tarixində) Bakıda görüşəcəklər.

Qat.az AzVision.az-a istinadən xəbər verir ki, bu barədə NATO-nun kommünikesində deyilir. Bildirilib ki, bu, NATO-nun Rusiya ilə əlaqələrini dondurmaq qərarı almasından sonra tərəflər arasında ilk görüş olacaq.

Qeyd olunub ki, görüş iki general arasında 2017-ci il martın 3-də baş tutmuş telefon danışığının davamıdır.

20.07.2017.

 
Pənah Hüseynli: “Onların daha mütərəqqi qüvvələrlə əvəzlənməsi arzuediləndir”
 
 

 

 

 

Gələn il Ermənistanda Serj Sərkisyanın prezidentlik dönəmi başa çatır. Maraqlıdır, Ermənistanda yeni siyasi qüvvələrin hakimiyyətə gəlməsi Qarabağ probleminin həllində yeni pesrspektiv aça bilərmi?

Moderator.az-a açıqlama verən AXP sədri Pənah Hüseyn bu cür qüvvələrin hakimiyyətə gəlişinin arzuedilən olduğunu vurğuladı:

“Təbii ki, regionun təhlükəsizlik maraqlarını nəzərə alan, bunun üçün Azərbaycanla müharibəni qurtarmağı qəbul edən, Azərbaycan torpaqlarından çəkilmək kimi siyasi cəsarətə sahib siyasi qüvvələrin hakimiyyətə gəlməsi arzuediləndir. Bu, həm Azərbaycan, həm Ermənistan, həm də region xalqlarının marağına cavab verən bir məsələ olardı.

Sərkisyan və onun komandası Qarabağda çoxsaylı cinayətlərə yol verən şəxslərdir. Onlar həm Qarabağa, həm Ermənistana, həm də Azərbaycana yalnız fəlakət gətirə bilər”.

 

Seymur Əliyev

 

 

29.08.2017. Ermənistanın Sünik vilayətində faşist Qaregin Njdenin heykəlini atəşə tutublar.

 
Modern.az-ın məlumatına görə, heykəlin baş hissəsində güllə izlərinin əks olunduğu fotonu vilayətin qubernatoru Vazgen Saqatelyan sosial şəbəkələrdə yayıb.
 
Qeyd edək ki, ötən il Yerevanda da Q.Njdeyə abidə qoyulmuşdu.
 
www.Modern.az
22.12.2016.Dünən ictimai fəal, ABŞ-dakı erməni diasporunun üzvü Anait Sinanyan erməni və azərbaycanlı fəalların 2016-cı ilin noyabrında Bakıda hazırlayıb imzaladıqları “Ermənistan və Azərbaycan arasında sülh üçün Platforma”nı dəstəkləyib və imzalayıb.
 
Virtualaz.org xəbər verir ki, A.Sinanyan Nyu-Yorkda yaşayır, hüquq üzrə mütəxəssisdir, 2016-cı ilin yayında ABŞ-dakı Ermənistan səfirliyinin qarşısında siyasi məhbusların hüquqlarının müdafiəsi üçün təşçil olunmuş aksiyalarda fəal iştirak edib.
 
Ermənistanın və erməni diasporunun digər bir çox ictimai fəalları kimi, A.Sinanyan da Dağlıq Qarabağ münaqişəsinin tezliklə Azərbaycanın ərazi bütövlüyü prinsipi əsasında həllini dəstəkləyib. Fəal vətəndaş diplomatiyasının inkişafı üçün əlindən gələni etməyə hazırdır.
 
Yaxın saatlarda virtualaz.org A.Sinanyanın eksklüziv müsahibəsini diqqətinizə çatdıracaq.

 

QAT XƏBƏR

QAT.az