Cümə axşamı, 18 Yanvar 2018

 

 

 

15.01.2018. Ermənistanın müdafiə naziri Vigen Sərkisyan Qarabağda zabit tərəfindən açılan atəşlə başından ağır yaralanmış keçmiş əsgər, 21 yaşlı Albert Dəlləkyanın xaricdəki müalicəsi üçün özünün Facebook hesabında pul yığma aksiyasına başlayıb.
 
Müdafiə naziri əsgərin başında mürəkkəb cərrahiyə əməliyyatına ehtiyac olduğunu, bu əməliyyatın Ermənistanda da aparıla biləcəyini, lakin xaricdə həkimlərin bu sahə üzrə daha təcrübəli olduqlarını bildirir.
 
Dəlləkyanın anası oğlunun xaricdə müalicəsinin təşkili üçün aylardır Müdafiə Nazirliyindən kömək istəyirdi və rədd cavabı alırdı. Nəhayət müdafiə naziri müraciətə cavab verib, amma vəsait olmadığı üçün özünün Facebook hesabında pul dilənmə aksiyası keçirməklə.
 
 
Ermənistan İstintaq Komitəsinin bildirdiyinə görə əsgər Dəlləkyan 2016-cı ilin iyununda təmas xəttinin Xocavənd (Hadrut) istiqamətində bölük komandiri, leytenant Avaq Nahapetyanın “silahla davranma qaydalarını pozması” nəticəsində yaralanıb. İş üzrə istintaq davam edir, əsgərə atəş açan zabit hələ xidmətdədir. Dəlləkyanın isə beyni dağılıb və əlil olub. Müdafiə Nazirliyi onun xaricdə müalicəsi üçün pul ayırmaq səlahiyyətinin olmadığını bildirib. Səhiyyə Nazirliyi də əsgərin anasına rədd cavabı verib. Əməliyyatı Ermənistanda etməyi təklif edib.
 
Nəhayət müdafiə naziri “humanist addıma” əl ataraq özünün Facebook səhifəsində əsgə üçün pul yığma aksiyasına başlayıb. Vigen Sərkisyan bildirib ki, o və dostları müalicə üçün lazım olan 45 min dolların 10 faizini ciblərindən verir. “Kimin imkanı varsa bu pul yığma aksiyasına qoşulsun və Albertin ailəsinə zərurri vəsait yığılsın. Hətta mənim bu çağırışım belə kömək edə bilər. Allah Alberti, bütün qəhrəmanlarımızı, xalqımızı saxlasın”-müdafiə naziri bildirib.
 
 
 
Lakin sosial şəbəkə istifadəçiləri Vigen Sərkisyanı ələ salmağa başlayıblar. İstifadəçilər maraqlanıblar: nazirin bu cür pul yığması nə dərəcədə normaldır? Petros Sərkisyan adlı istifadəçi yazıb: “1000 dramlar qurtardı, yoxsa bu dilənçiliyin təzə yoludur?”
 
“Dilənçi sən özünsən”-müdafiə naziri həmin istifadəçiyə cavab yazıb.
 
Xatırladaq ki, Ermənistanda işləyən hər vətəndaş döyüş bölgəsində yaralanan və ya ölən əsgərlərə görə kompensasiya ödənilməsi üçün yaradılan xüsusi fonda hər ay 1000 dram (2 dollara yaxın) pul ödəməlidir. Bu fondun yaradılması hakimiyyət tərəfindən dilənçilik kimi qiymətləndirilib və tənqid olunub.
 
www.Virtualaz.org

15.11.2017.

 

“İranın bu məsələyə bizim də adımızı əlavə etməsi qonşunun könlünü almağa hesablanıb”

img

 

 

Günel Fərhadqızı: “Onlar gözəl bilir ki, Azərbaycanın təbii qaz almağa ehtiyacı yoxdur”

 

Tehran və Aşxabad arasında türkmən qazının svop əməliyyatlar əsasında Fars körfəzi ölkələrinə ixracına dair danışıqlar davam etdirilir. Bu barədə İranın Milli Qaz Şirkətinin rəhbəri Həmid Rza Əraqi bildirib. Onun sözlərinə görə, tərəflər İraq, Türkiyə, Azərbaycan və Ermənistana qaz nəqlini müzakirə ediblər: “Nəticədə İran Türkmənistan qazının svop əməliyyatlar əsasında İraq və Türkiyəyə nəqlindən birdəfəlik imtina edib. Lakin türkmən qazının Azərbaycan və Ermənistana nəqli ilə bağlı heç bir problem yoxdur”.

Məlumdur ki, Azərbaycanın özü qaz istehsal edən ölkədir. Bizim xaricdən təbii qaz almaqla bağlı ehtiyacımız yoxdur, əksinə, ölkəmiz başqa dövlətlərə qaz satır. Belə olan təqdirdə, İran niyə svop əməliyyatı vasitəsilə Ermənistana ötürmək istədiyi qazla bağlı məsələyə bizim də adımızı qatır?

İqtisadçı Günel Fərhadqızı qəzetimizə bildirdi ki, bu məsələyə bir neçə prizmadan yanaşmaq olar: “Bilirsiniz ki, yürütdüyü işğalçı siyasət ucbatından Ermənistan bütün regionu əhatə edən layihələrdən kənarda qalıb. Bununla yanaşı, təbii ehtiyatlarla zəngin olmayan Ermənistan enerji resursları sarıdan da əziyyət çəkir. Bu istiqamətdə Ermənistana yeganə nəfəslik verən ölkə məhz İrandır. Onlar uzun müddətdir Ermənistana təbii qaz verirlər. Hətta bu yaxınlarda həmin kvotanın artırılması da müzakirə edildi. Azərbaycan təbii ki, bu məsələ ilə bağlı haqlı etirazını bildirib, ancaq proses davam edir. Demək istəyirəm ki, İranın öz qazı Ermənistanı tam təmin edir. Bilirsiniz ki, bu yaxınlarda İranla Türkmənistan arasında iqtisadi problem yaranmışdı və həmin zaman Ermənistan belə bir təklif etmişdi ki, svop əməliyyatı ilə bu məsələni həll etmək olar. Təbii ki, İranın bu məsələyə bizim də adımızı əlavə etməsi qonşunun könlünü almağa hesablanıb. Çünki onlar gözəl bilir ki, Azərbaycanın təbii qaz almağa ehtiyacı yoxdur. Məsələnin başqa bir aspekti isə Ermənistanın türkmən qazını Avropa bazarına çıxarmaq istəyilə bağlıdır. Hətta bu yaxınlarda erməni baş nazirin İrana səfəri zamanı bu mövzunun müzakirə olunduğu bildirildi. Ermənistan mətbuatı yazırdı ki, Serj Sarkisyanla görüşən türkmən lider Qurbanqulu Berdıməhəmmədov da türkmən qazının İran və Ermənistandan tranzit yolla Avropaya daşınmasına razılıq verib.

Erməni ekspertlər bu görüşlərdən o qədər ruhlanıblar ki, Avropaya İran körfəzindən gedən bütün yüklərin Ermənistandan keçməsinin və Bakı-Tiflis-Qars dəmir yolunu tikmiş Azərbaycanı bu bazardan çıxarmağın xəyalını qururlar”.

Məhəmmədəli QƏRİBLİ

1

10.11.2017.

İspaniya Ali Məhkəməsinin hakimi Kataloniya parlamentinin spikeri Karme Forkadel barəsində həbs qətimkan tədbiri seçib. APA-nın “RİA Novosti”yə istinadən verdiyi xəbərə görə, bununla belə K.Forkadelə  150 min avro girov ödəyəcəyi təqdirdə azadlığa çıxmaq hüququ verilib.

 Kataloniya parlamenti rəyasət heyətinin digər üzvləri Luis Korominas, Luis Qino, Anna Simo, Ramona Barrufet barəsində hələlik həbs qərarı verilməyib, buna görə onlar  həftə ərzində 25 min avro məbləğində girov ödəməlidirlər. Koalisiya nümayəndəsi Joan Josep Nuet isə girov ödəmədən azadlıqda qala bilər.

 Karme Forkadel və digər 4 deputat girov ödədikləri təqdirdə hər həftə məhkəmə qarşısına çıxmalı və İspaniyanın hüdudlarından kənara çıxmamalıdırlar, onların pasportları məhkəmə tərəfindən götürüləcək.  

 Prokurorluq Karme Forkadel və rəyasət heyətin 3 üzvü barəsində həbs qətimkan tədbirinin seçilməsini və 6 siyasətçinin 6,2 mln. avro girov ödənilməsini tələb etmişdi.

 Qeyd edək ki, ötən gün İspaniyanın Ali Məhkəməsində Karme Forkadel, Luis Korominas və Luis Qino Konstitusiyanın Kataloniyanın muxtariyyətinin ləğvinə imkan verən 155-ci maddəsinin tətbiq edilməsini dəstəklədiklərini bəyan ediblər. Onlar Kataloniyanın müstəqil elan edilməsini “istisna olaraq simvolik” adlandırıblar.   

 hökumətinin keçmiş üzvləri üsyan və qiyamın təşkilində, dövlət vəsaitlərin israf edilməsində  ittiham olunurlar. Ölkə qanunvericiliyinə görə, bu ittihamlar üzrə 48 ilədək həbs cəzası nəzərdə tutulur.

apa.az

24.10.2017.

“Maliyyə imkanları torpaqların azad edilməsinə aparır”

img

 

 

Məhəmməd Əsədullazadə: “Bu onu göstərir ki, istənilən müharibə şəraitində Azərbaycan Ermənistan üzərində tam qələbə çalmaq üçün kifayət qədər maliyyə ehtiyatlarına malikdir”

 

Məlum olduğu kimi, Azərbaycanda 2018-ci ilin dövlət büdcəsindən müdafiə sahəsi üçün ayrılan vəsaitin məbləği açıqlanıb. Bu barədə gələn ilin dövlət büdcəsi haqqında qanun layihəsində qeyd olunub. Belə ki, 2018-ci ilin dövlət büdcəsində müdafiə xərcləri üçün 2.739 milyard manatın ayrılması nəzərdə tutulub. Bu məbləğin 1.366 milyard manatı müdafiə qüvvələri, 111.658 milyon manatı milli təhlükəsizlik, 2.663 milyon manatı müdafiə və təhlükəsizlik sahəsində tətbiqi tədqiqatlara, 1.258 milyard manatı isə digər kateqoriyalara aid edilməyən xərclərə sərf ediləcək.

Məlumat üçün qeyd edək ki, Azərbaycanın 2017-ci il üzrə dövlət büdcəsində müdafiə sisteminə 1.615 milyard manat ayrılıb. Ötən illə müqayisədə bu il müdafiə xərcləri 1.123 milyard manat artırılıb. 2016-cı il müdafiə xərclərinə 1.837 milyard, 2015-ci il müdafiə xərclərinə 1.778 milyard manat nəzərdə tutulub.

Ermənistan 2018-ci ildə müdafiə xərclərini 20 faiz artıracaq. Büdcə layihəsinə əsasən, Ermənistan gələn il ordusuna 518 milyon dollar ayıracaq. Bu isə 2017-ci ilin müdafiə xərclərindən 80 milyon dollar çoxdur. Qeyd edək ki, bu il Ermənistan ordusu üçün 438 milyon dollar ayırmışdı.

Bütün hallarda, aparılan müqayisələr o qənaətə gəlməyə əsas verir ki, Ermənistan ötən ilə nisbətən hərbi xərcləri 80 milyon dollar artırsa da, Azərbaycanla eyni səviyyədə olmaq gücündə deyil. Ən azından ona görə ki, gələn il Azərbaycanın hərbi xərcləri 3 milyard manata yaxın olacaq. Ermənistan Azərbaycan kimi müasir silahlar almaq imkanında deyil. Müəyyən qədər Rusiyanın yardımı sayəsində Ermənistan bəzi müasir silahlar əldə edir. Bu da ümumilikdə götürəndə yetərli hesab oluna bilməz. Maraqlıdır, bəz ekspertlər bunu necə dəyərləndirir?
Sözügedən məsələni “Bakı-Xəbər”ə şərh edən politoloq Məhəmməd Əsədullazadənin sözlərinə görə, Ermənistan bu sahədə Azərbaycanla rəqabət aparmaq gücündə deyil: “Azərbaycanın hərbi büdcəsi ildən-ilə artmaqdadır. Bu sahənin inkişafı üçün kifayət qədər böyük vəsait ayrılır. Hazırda Azərbaycanın hərbi büdcəsi Ermənistanın dövlət büdcəsindən çoxdur. Bu onu göstərir ki, istənilən müharibə şəraitində Azərbaycan Ermənistan üzərində tam qələbə çalmaq üçün kifayət qədər maliyyə ehtiyatlarına malikdir. Azərbaycanın hərbi büdcəsi 3 milyard manatdan ibarətdir. Hazırda Azərbaycan öz müdafiə qüdrətinin artırılması istiqamətində ciddi islahatlar həyata keçirir. Ölkəyə müasir silahlar, raket sistemləri gətirilir. Hazırkı müharibələrdə maliyyə ehtiyatı mütləqdir. Azərbaycan bu sahədə Ermənistandan qat-qat qabaqdadır. Düşmən ölkə bundan sonar da öz hərbi büdcəsini artırsa, Azərbaycanla ayaqlaşa bilməz. Bunu Ermənistan prezidenti Serj Sarkisyan da bir neçə ay bundan əvvəl dilə gətirib. Rəsmi İrəvan Azərbaycanın hərbi büdcəsindən narahatlığını zamanla dilə gətirir. Çünki maliyyə imkanları torpaqların azad edilməsinə aparır. Hesab edirəm ki, bundan sonrakı proseslərdə Ermənistan təcavüzkar siyasətindən əl çəkməsə, kompromisə gəlməsə, işğalçı ölkəyə ciddi zərbələr endirilməlidir.  Müharibədə maliyyə faktoru ciddidir. Azərbaycan da bu sahədə özünə tam güvənir. Seçim imkanları Ermənistanın bundan sonra siyasətinə bağlıdır. Bu gün İsrail və Türkiyədən, həmçinin, Rusiyadan alınan silahlar erməni əsgərinin ölüm kabusu olacaq. Qarabağda daim qorxu altında öz əcəllərini gözləyəcəklər”.

Vidadi ORDAHALLI

QAT XƏBƏR

QAT.az